Naat Ki Tareekh (Interesting History)

“Naat ki Tareekh (History)” in Urdu language and in Roman Urdu is as follow. This post is the part of Book “Naat Goi aur Us Kay Adaab” written by Professor Abdullah Shaheen and reviewed by Professor Dr Ashfaq Ahmed Virk.

Naat Ki Tareekh (History) in Urdu Language

نعت کا لفظ نبی کریم ﷺ کے وصف میں سب سے پہلے خود نبی کریم ﷺ ہی نے استعمال کیا (پارٹ نمبر ایک میں تفصیل موجود ہے)، تاہم احادیث اور سیرت سے یہ بھی سراغ ملتا ہے کہ نبی کریم ﷺ کے بعد سب سے پہلے یہ لفظ آپ ﷺ کے وصف کے لیے حضرت علی علیہ السلام نے استعمال کیا۔ اس خیال کا مرجع شمائل ترمذی کی وہ حدیث ہے جو ان الفاظ پر ختم ہوتی ہے

جو آپ ﷺ کو پہلی دفعہ دیکھتا ہے، اس پر آپ ﷺ کی ہیبت طاری ہو جاتی ہے اور آپ ﷺ سے جس کے تعلقات بن جائیں وہ آپ ﷺ سے محبت کرتا ہے اور آپ ﷺ کا وصف بیان کرنے والا (ناعت)کہتا ہے کہ میں نے آپ ﷺ
سے پہلے نہ آپ ﷺ کے بعد آپ جیسا کوئی دیکھا ہے۔
(جامع ترمذی، حدیث نمبر 3638)

اس حدیث میں لفظ “ناعت” کے استعمال سے بعض نے یہ نتیجہ اخذ کیا ہے کہ اسلامی ادب میں اس معنی میں اس لفظ کا استعمال پہلی دفعہ کیا گیا ہے، یہ مفہوم اگرچہ مرجوع ہے تاہم بعثت سے پہلے بھی آپ ﷺ کی تعریف و توصیف میں کسی نے بخل سے کام نہیں لیا۔اپنے اور بیگانے سب آپ ﷺ کے مداح تھے۔

درود و سلام کی فرضیت نے اس بادہ طہور کو دو آتشہ کر دیا۔ خطیبوں کی تقریریں، حدی خوانوں کی تانیں اور شاعروں کے ترانے حمد کے ساتھ نعت النبی ﷺ کا بھی احاطہ کرنے لگے۔ نبی کریم ﷺ کی حیات ہی میں حضرت کعب بن زہیر، حضرت عبداللہ بن رواحہ اور حضرت حسان بن ثابت رضی اللہ عنہم کے علاوہ دیگر صحابہ کرام رضی اللہ عنہم نے بھی اپنی قوتِ کلام کے جوہر دکھانے شروع کر دیے تھے اور نعت کا بیش بہا خزانہ جمع ہو گیا تھا، البتہ اگر عربی، فارسی اور اردو میں موجودہ نعتیہ کلام کا بغور مطالعہ کیا جائے تو نعت کی تعریف و تاریخ اور وسعت کا اندازہ ہوتا ہے۔

عربی زبان میں نعت کا آغاز یوں ہوا کہ کفارِ مکہ پیغمبرِ اسلام ﷺ کو محمد ﷺ کی بجائے مذمم کہتے تھے اور آپ ﷺ کی ہجو کرتے تھے”نعوذ باللہ من ذلک” چنانچہ گستاخیِ رسول کے جواب میں مسلمان شاعروں نے مؤثر طور پر نبی کریم ﷺ کا دفاع کیا اور آپ ﷺ کے اوصافِ حمیدہ بیان کیے۔ نعت نگاری اسی لسانی جہاد کی پیداوار ہے۔

دربارِ رسالت سے وابستہ شاعروں نے نبی اکرم ﷺ کے حسب و نسب، کردار و صفات، توصیف و ستائش، شجاعت و سخاوت، دیانت و امانت، صداقت و عدالت، جودوسخا، فضل و عطا، علم و حلم، نجابت و شرافت، اخوت و محبت، بخشش و عنایت، رحمت و شفاعت، محبت و شفقت، جمالِ ظاہر ی ، حسنِ باطنی اور دوسرے پیغمبروں کے مقابل آپ ﷺ کی فضیلت بیان فرمائی۔

مضامینِ نعت میں آپ ﷺ کے ایفائے عہد، عیادت و تعزیت کے طریق، انسانی ہمدردی اور غم خواری، مہمان نوازی، دشمنوں سے حسنِ سلوک، عفو و درگزر، حسنِ معاملات، وسعتِ قلبی و عالی ظرفی، ایثار و احسان، رفتار و گفتار اور مجلسی آداب کا بیان بھی ہے۔ نعت گو شعراء نے ان موضوعات کو تمام تر جزئیات کے ساتھ انتہائی احترام اور شیفتگی سے جزوِ نعت کیا۔

نبی کریم ﷺ کی وفات کے بعد جب اسلام کا سورج عرب سے باہر جلوہ فگن ہوا تو اس سے بے شمار ممالک نورِ اسلام سے منور ہو گئے۔ قرآن کی تعلیم کے ساتھ نبی کریم ﷺ کی محبت و عقیدت بھی دلوں کو زندہ کرتی گئی اور ہر زبان کے شاعروں اور ادیبوں نے محبت آمیز خطبے اور دل آویز نعتیہ نغمے ایجاد کیے۔ اس طرح نعتِ رسول ﷺ جُو بہ جُو ، دریا بہ دریا اور یم بہ یم بساطِ عالم پر چھا گئی۔

بعد ازاں زمان و مکاں کی بدلتی ہوئی صورتحال میں جب آپ ﷺ کی سیرتِ مبارکہ کے نئے نئے پہلو ظاہر ہوئے تو آپ ﷺ کے حوالے سے شعبہ ہائے زندگی کے تمام تر موضوعات شاملِ نعت ہو گئے جن کی بو قلمونی اور رنگا رنگی دورِ جدید کی نعتوں میں بآسانی دیکھی جا سکتی ہے، یعنی نبی کریم ﷺ کی مدح و توصیف کے علاوہ آپ ﷺ کی ذات ، صفات، تعلیمات اور قومی و مِلّی مسائل کے اذکار کو ایک قرینے اور سلیقے سے اپنے اندر سمو لیا۔

عرب شعراء کے تتبع میں دیگر زبانوں خصوصاً فارسی میں بہت زیادہ نعتیہ قصائد اور نعتیں کہی گئیں۔ اس سلسلے میں ہمیں عطاؔر، رومؔی، نظامؔی، جامؔی، خسروؔ، فیضؔی، سعدیؔ، عرفؔی، قدسؔی، قآنؔی اور دیگر بے شمار شعراء نظر آتے ہیں جن کے نعتیہ کلام میں محبتِ رسول ﷺ کے سمندر مؤجزن ہیں۔ انہی سمندروں سے نعت حبیبِ کبریا ﷺ کے بادل اُٹھے اور ہماری اردو شاعری کو سیراب کرتے چلے گئے۔

دکن سے اردو شاعری کی موجیں شمالی ہند کی جانب بڑھیں تو دیگر اصنافِ سخن کے ساتھ نعت و منقبت کے دھارے بھی گلستانِ ادبِ اردو میں موجیں مارنے لگے۔ ولؔی دکنی سے لے کر امیر میناؔئی تک اردو شعراء کی ایک کھیپ ہمیں نعت سرائی کرتی نظر آتی ہے۔ اور پھر حالؔی سے ہوتی ہوئی یہ روایت ظفؔر علی خان تک قوت و توانائی کا ایک عظیم مینار بن کر ہمارے سامنے آئی ہے۔

اقبالؔ کے ہاں نعت آفاقی منازل تک صعودکر گئی اور پھر اس کی روشنی کچھ اس طرح پھیلی کہ قیامِ پاکستان کے بعد نعت گوئی ہر مسلمان شاعر کا جزو بن گئی۔ اس وقت ہم دیکھ رہے ہیں کہ پاکستان کا شاید ہی کوئی شاعر ہو گا جس نے نعت نہ کہی ہو گی۔ اور اپنے علم و عرفان کی پوری صلاحیتیں عقیدت اور محبت کے گل ہائے رنگا رنگ کے گلدستے سجانے میں صرف نہ کی ہوں گی۔

Naat Ki Tareekh (History) – Words Meanings

Naat Ki Tareekh (History) in Roman Urdu / Hindi

Naat ka lafz Nabi Kareem ﷺ kay wasf main sab se pehle khud Nabi Kareem ﷺ he ne istemal kia (part number 1 main tafseel mojood hai) taham ahadees aur seerat se yeh bhi suragh milta hai k Nabi Kareem ﷺ kay bad sabse pehle yeh lafz Aap ﷺ kay wasf kay liye Hazrat Ali A.S ne istemal kia. Es khyal ka marja shumail tirmizi ki woh hadees hai jo in alfaz par khatam hoti hai:

Jo Aap ﷺ ko pehli dafa dekhta hai, us par Aap ﷺ ki haibat tari ho jati hai aur Aap ﷺ se jis kay ta’alluqat ban jaen woh Aap ﷺ se mohabbat karta hai aur Aap ﷺ ka wasf bian karne wala (naa’at) kehta hai kay maine Aap ﷺ se pehle na Aap ﷺ kay bad Aap jaisa koi dekha hai (jamay tirmizi hadees number 3638)

Es hadees main lafz “Naa’at” kay istemal se baaz ne yeh nateeja akhaz kia hai k islami adab main es maani main es lafz ka estemal pehli dafa kia gaya hai, yeh mafhoom agarchay marjoo hai taham beisat se pehle bhi Aap ﷺ ki tareef o touseef main kisi ne bukhl se kaam nahi lia. Apnay aur beganay sab Aap ﷺ kay maddaah thay.

Durood o salaam ki farziat ne es baada-e-tahoor ko do aatisha kar dia. Khateebon ki taqreerain, khadi khawano ki taanain aur shairon kay taranay hamd kay sath Naat un Nabi ﷺ ka bhi ihaata karnay lgay. Nabi Kareem ﷺ ki hayat he main Hazrat Kaab bin Zuhair, Hazrat Abdullah bin Rawaha aur Hazrat Hassaan bin Saabit R.A kay ilawa deegar Sahaba Karam R.A ne bhi apni quat-e-kalam kay johar dihanay shuru kar diye thay aur naat ka baish baha khazana jama ho gya tha, albata agar Arbi, Farsi aur Urdu main mojooda naatia kalaam ka baghour mutala kia jaye tw naat ki tareef o tareekh aur wus’at ka andaza hota hai

Arbi zuban main naat ka aaghaz yun hua k kufaar-e-Makkah Paighambar-e-Islam ﷺ ko Muhammad ﷺ ki bajaye muzamam kehtey thay aur Aap ﷺ ki hajv kartay thay “Naoozu billah min zaalik” chunachay gustakhi-e-rasool ka jawab main musalman shairon ne mousar tour par Nabi Kareem ﷺ ka difaa kia aur Aap ﷺ kay ausaf-e-hameeda bian kiye. Naat nigari esi lisaani jehad ki paidawar hai.

Darbar-e-Risalat se wabasta shairon ne Nabi Kareem ﷺ kay hasab-o-nasab, kirdar-o-sifat, touseef-o-sataish, shuja’at-o-sakhawat, dyanat-o-imanat, sadaqat-o-adalat, jood-o-sakha, fazl-o-ataa, ilm-o-hilm, najabat-o-sharafat, akhuwat-o-mohabbat, bakhshish-o-inayat, rehmat-o-shafa’at, mohabbat-o-shafqat, jamal-e-zahiri, husn-e-batini aur doosray paighambron kay muqabil Aap ﷺ ki fazeelat byan farmai.

Mazameen-e-Naat main Aap ﷺ kay efa-e-ehd, ayadat-o-tazee’at kay tareeq, insani hamdardi aur gham khawari, mehman nawazi, dushmano se husn-e-sulook, afv-o-darguzar, husn-e-moaamlat, wus’at-e-qalbi-o-aali zarfi, esaar-o-ehsan, raftar-o-guftar aur majlisi adaab ka bian bhi hai. Naat go shouraa ne in mozuaat ko tumam tar juzziyaat kay sath intehai ehtram aur sheeftagi se juzv-e-naat kia.

Nabi Kareem ﷺ ki wafaat kay baad jab islam ka suraj arab se bahar jalwa fagan hua tw es se bayshumar mumalik noor-e-islam se munawar ho gaye. Quran ki taleem kay sath Nabi Kareem ﷺ ki mohabbat-o-aqeedat bhi dilon ko zinda karti gae aur har zuban kay shairon aur adeebon ne mohabbat aamaiz khutbay aur dil aawaiz naatia naghmay ejad kiye. Es tarah Naat-e-Rasool ﷺ ju-ba-ju, darya-ba-darya aur yam-ba-yam basat-e-aalam par chhaa gae.

Baad azaan zaman-o-makaan ki badalti suratehaal main jab Aap ﷺ ki seerat-e-mubarakah kay naye naye pehlu zahir huye tw Aap ﷺ kay hawalay se shoaba haye zindagi kay tumam tar mozuaat shamil-e-naat ho gaye. Jin ki bu-qalmuni aur ranga rangi dour-e-jadeed ki naaton main ba-aasani dekhi ja sakti hai, yaani Nabi Kareem ﷺ ki madah-o-touseef kay ilawa Aap ﷺ ki zaat, sifaat, taleemaat aur qoumi-o-milli masail kay azkar ko aik qareenay aur saleeqay se apnay andar samo lia.

Arab shouraa kay tattabo ne deegar zubano khasoosan Farsi main boht zyada naatia qasaid aur naatain kahi gai. Es silsilay main Attaar, Roomi, Jaami, Khusro, Faizi, Saadi, Urfi, Qudsi, Qaani aur deegar bayshumar shouraa nazar aatay hain jin kay naatia kalam main Mohabbat-e-Rasool ﷺ kay samandar mojzann hain. Inhi samandron se Naat-e-Kibria ﷺ kay badal uthay aur hamari Urdu shairi ko sairab kartay chalay gaye.

Dakan se Urdu Shairi ki mojain shumali hind ki janib barheen tw deegar asnaf-e-sukhan kay sath Naat-o-Manqabat kay dharay bhi gulistan-e-adab-e-Urdu main mojain marne lgay. Wali Dakni se lay kar Ameer Meenai tak Urdu Shouraa ki aik khaip hamain Naat sarai karti nazar aati hai. Aur phir Haali se hoti hoi yeh rawayat Zafar Ali Khan tak quat-o-tawanai ka aik azeem meenar ban kar hamaray samnay aai hai.

Iqbal kay haan Naat aafaqi manazil tak saood kar gai aur phir es ki roshni kuch es tarah phaili k qayam-e-Pakistan kay bad naat goi har musalman shaair ka juzv ban gai. Es waqt ham dekh rahay hain k Pakistan ka shaid he koi shaair ho ga jis ne naat na kahi ho gi aur apnay ilm–o-irfan ki puri salaheeatain aqeedat aur mohabbat kay gul haye ranga rang kay guldastay sajanay main sarf na ki gai hon gi.

Naat Ki Tareekh (History) in English

The Origin and Evolution of Naat Poetry

The word Naat (praise of the Holy Prophet ﷺ) was first used by the Prophet Muhammad ﷺ himself (as detailed in Part One). However, Hadith and historical accounts also indicate that after the Prophet ﷺ, the first person to use this word for his attributes was Hazrat Ali (A.S). This notion originates from a narration in Shamail al-Tirmidhi, which concludes with the words:

“Whoever sees him ﷺ for the first time is overcome with awe, and whoever develops a relationship with him ﷺ loves him. The one who describes his ﷺ attributes (Naat) says: ‘I have never seen anyone like him ﷺ before nor after him ﷺ.'”
(Jami’ al-Tirmidhi, Hadith No. 3638)

Based on the use of the word “Naat” in this Hadith, some scholars have inferred that this was the first instance of its use in Islamic literature in this meaning. Although this interpretation is considered weak, it is evident that even before the Prophet’s ﷺ declaration of Prophethood, people did not hesitate in expressing his praise. Both friends and strangers admired him ﷺ.

The obligation of sending Darood o Salam (salutations and blessings) upon the Prophet ﷺ further intensified this devotion. Sermons of preachers, the melodies of hymn reciters, and the verses of poets all began to encompass both Hamd (praise of Allah) and Naat al-Nabi ﷺ (praise of the Prophet ﷺ). Even during the Prophet’s ﷺ lifetime, poets like Hazrat Ka’b bin Zuhair, Hazrat Abdullah bin Rawaha, and Hazrat Hassan bin Thabit (R.A.), along with other companions, began showcasing their poetic skills in his ﷺ praise, amassing a vast treasury of Naat poetry.

A close study of Naat poetry in Arabic, Persian, and Urdu reveals the depth and evolution of this literary form.

The Beginnings of Naat Poetry in Arabic

Naat in Arabic literature emerged as a response to the disbelievers of Makkah, who used to insult the Prophet ﷺ by calling him Muzammam (the condemned) instead of Muhammad (the praised one) and composing derogatory poetry against him—Na’udhu Billah min Dhalik (we seek refuge in Allah from this). In retaliation, Muslim poets effectively defended the Prophet ﷺ by eloquently describing his virtues and noble qualities. Naat poetry is, therefore, a product of this linguistic and literary struggle.

Poets associated with the Court of Prophethood highlighted various aspects of the Prophet’s ﷺ life, including his lineage, character, attributes, virtues, bravery, generosity, honesty, trustworthiness, truthfulness, justice, wisdom, kindness, knowledge, patience, nobility, compassion, forgiveness, grace, and intercession. They also compared his excellence with that of other prophets.

The themes of Naat poetry encompass his ﷺ fulfillment of promises, his care for the sick, condolences, hospitality, kindness to enemies, patience, forgiveness, ethical dealings, generosity, selflessness, speech, behavior, and etiquette in gatherings. Naat poets have passionately and respectfully incorporated all these aspects into their poetry with great detail.

Spread of Naat Poetry Beyond Arabia

After the Prophet’s ﷺ passing, as Islam expanded beyond Arabia, numerous lands were illuminated with its light. Along with the teachings of the Quran, love and devotion for the Prophet ﷺ continued to enrich hearts. Poets and writers in every language began composing heartfelt sermons and melodious Naat poetry, and thus, Naat al-Rasool ﷺ spread like rivers merging into oceans, covering the entire world.

With the evolving times, new aspects of the Prophet’s ﷺ life emerged, and Naat poetry began to encompass all dimensions of life. Modern Naat poetry not only includes praises of his ﷺ personality and attributes but also integrates discussions on his teachings, national, and communal concerns in a refined and organized manner.

Expansion of Naat Poetry in Persian and Urdu

Following the Arabic tradition, Naat poetry flourished in Persian, producing numerous Naat compositions. Notable poets such as Attar, Rumi, Nizami, Jami, Khusrau, Faizi, Saadi, Urfi, Qudsi, and Qani composed Naat poetry, their works resembling vast oceans of devotion for the Prophet ﷺ. From these oceans, clouds of Naat-e-Habib-e-Kibriya ﷺ rose and showered their blessings upon Urdu poetry.

As Urdu poetry emerged in Deccan, it gradually flowed toward North India. Along with other poetic genres, the streams of Naat and Manqabat (praise of saints) also flourished in Urdu literature. From Wali Dakni to Ameer Meenai, we find a continuous tradition of Naat poetry. This tradition, growing in strength and prominence, reached a monumental peak with poets like Altaf Hussain Hali and Zafar Ali Khan.

Iqbal and the Universality of Naat Poetry

In Allama Iqbal’s poetry, Naat transcended worldly boundaries and reached the heights of universality. His influence was so profound that after the establishment of Pakistan, Naat poetry became an integral part of every Muslim poet’s work. Today, we observe that there is hardly a poet in Pakistan who has not composed a Naat. Poets have dedicated their intellectual and creative energies to weaving vibrant garlands of love and devotion for the Holy Prophet ﷺ.

Promote Islami Dunia on Facebook & YouTube

https://web.facebook.com/islamiduniadottcom

https://www.youtube.com/@islamiduniadottcom